Hai-Lin kuier met vakansie in Sjanghai, China by haar ma se vriende. Laum is 'n droom van 'n man, maar dit lyk of hy maklik sal flankeer. Juis daarom moet sy daarop konsentreer om hom op 'n afstand te hou.

Mari Grobler doen baie navorsing voordat sy haar lesers op reis neem. Skryf is vir haar soos om met woorde te toor. Mari is ook 'n digter, kinderboekskrywer, beeldende kunstenaar, toneelspeler en spreker. Sy is 'n gebore Oos-Kaapenaar en woon tussen rakke vol boeke saam met haar man in Uitenhage naby Port-Elizabeth.