'n Dodelik aantreklike prokureur is een ding, sy baba is 'n ander ding. En dis 'n probleem dat hy en die baba in Nadia se skilderye begin opduik. Genoeg om van weg te hol!

Mari Grobler doen baie navorsing voordat sy haar lesers op reis neem. Skryf is vir haar soos om met woorde te toor. Mari is ook 'n digter, kinderboekskrywer, beeldende kunstenaar, toneelspeler en spreker. Sy is 'n gebore Oos-Kaapenaar en woon tussen rakke vol boeke saam met haar man in Uitenhage naby Port-Elizabeth.